مدونة دواير

الإنسان أصله جوافة


الإنسان أصله جوافة.. عنوان كتاب جديد للكاتب الشاب “محمد هشام عبيه”، والكتاب متقسم لثلاث فصول، يتناول كل فصل فيهم الشخصية المصرية من زاوية معينة
 
إسم الفصل الأول “عن الناس” بيتكلم فيه عن مواضيع مختلفة تكشف الواقع المصري بدءاً من ‘المولد‘، لحد الكلام عن ‘الجوافة‘.. اللي طعهما اتغير؛ لإن اللي زرعها إتغير هو كمان! ومش هترجع الجوافة زي زمان إلا لما اللي بيزرعها يرجع زي زمان. وفي نهاية الفصل الأول بيتكلم عن الصراع اللي بيمر بيه المصريين دلوقتي، بين اليأس والإنهزام للواقع والرضا بالحال، وبين الرغبة في التغيير،وزي ماهو باين من العناوين، الكاتب استخدم اللغة العربية اللي بتقرب على العامية المصرية، برضو لغة السخرية لها مكانها الكبير في الكتاب ده

في الفصل الثاني اللي اسمه “عن الحب“، يستخدم الكاتب لغة كاريكاتورية عشان يعبر عن مظاهر الحب في زمننا ده. واللي في كتير من الأوقات بيبقى مبالغ فيها ومش حقيقية، فبيقول “ويحمل المحبون القلوب الحمراء والدباديب الحمراء والزهور الحمراء”، وكأن لون جميل تاني زي اللون السماوي مينفعش يعبر عن الحب

في الفصل الثالث والأخير اللي اسمه “عن البلوتيكا“، بيستخدم الكاتب أسلوب موضوعي خالي من السخرية، عشان يتكلم عن مواضيع سياسية كتيرة. في مقال عنوانه “شعب بواقي وفضل“، بيتكلم عن حال المصريين الللي قبلوا إنهم يستخدموا لمبة أوربية مبيستخدمهاش الأوربيين نفسهم، أو عربية فرنسية لايستخدمها الفرنسيون أساساً، وبضيف من عندي حكاية الكمبيوترات استعمال الخارج اللي مغرقة السوق بقالها سنتين وبأسعار رخيصة، والناس بتتهافت عليها ومبسوطين منها. ومحدش يعرف إن أوربا والدول المتقدمة بتتخلص من الشاشات دي عشان بتدمر النظر من الأشعاعات اللي فيها.

وفي مقال تاني عنوانه ‘انصروا الإسلام يالكيبورد‘ بيتكلم الكاتب عن السطحية اللي بيتعامل البعض بيها مع الإسلام، زي مثلاً لما تحط كل مجهودك في أن تنصر هيبة الإسلام، ليس عن طريق العمل والاجتهاد فيه؛ بل عن طريق التصويت للدين الإسلامي علي الإنترنت، وكأن ذلك هو ما يرفع هيبته، وليس الاتزام بتعاليمه وأخلاقه

March 31, 2007 - Posted by | فرفشة ودندشة

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: