مدونة دواير

غش بالبلوتوث آه. لكن المحمول لأ


 

خبر جه في جريدة المساء، واخترت منو جزء ظريف أوي، اللي هعلق عليه، وهوه ده

منع المراقبون في لجان الامتحانات دخول الطلاب بالتليفونات المحمولة؛ فغش الطلاب بالبلوتوث في بعض اللجان؛ حيث لم يتم حظر دخولهم به

تخلف مستحكم. وغباء نافذ. وجهل مستشري. ده أبسط تعليق على صاحب الخبر المستفز ده. واللي كلامه يثبت مدى الجهل الواضح اللي انتشر في كل الصحف المصرية الحكومية. الجهل له مستويين، جهل عادي، وبنحاول نداريه، وجهل تاني، واللي هوة كلام عن غير علم. يعني يبقى مش عارف ، ويعمل نفسو أبو العريف

وده بالضبط اللي صاحب المقال عملو. الراجل حازقاه كلمة بلوتوث، ونفسي يجيبها في أي خبر. نفسو يعمل نفسو أبو العريف، اللي عارف كل حاجة في التكنولوجيا. بس قفشت معاه. وقفشت قفشة سودة. هيا مش سودة أوي. لإن مفيش حد في الصحف القومية كلها بيفكر، ويقدر يكتشف الجهل ده، ويعاقبو عليه

نفسي أعرف الراجل ده، إيه الفرق عندو بين الموبايل وبين البلوتوث؟ إزاي الواحد يغش بالبلوتوث من غير ميكون موجود في موبايل؟ ولا البلوتوث بقى حاجة كده ماشية لوحدها، وبتتباع لوحدها زيها زي أي حاجة. البلوتوث دي تكنولوجي. البولتوث خاصية. خاصية موجودة في الموبايلات الحديثة. مش حاجة كده لوحدها يا عم الفهيم

لأ والراجل عاش فيها في دور الناصح اللي جاب الأسد من ديله. حيث لم يتم حظر دخولهم به. ههههههه، يا أبو النصاحة كلها. بجد مكنتش أعرف إن الجهل وصل للمرحلة المتقدمة دي. ده جهل مزمن ودخل في المرحلة الحرجة، جهل ملوش علاج غير إن الصحف القومية دي يتولع فيها بجاز، من أول الفراشين لحد رؤساء التحرير، لإنها بصراحة بقت مزرعة لنشر التخلف والجهل في البلد. توب علينا يارب

للرجوع لرابط الخبر الأصلي

http://www.algomhuria.net.eg/almessa/today/third/detail02.asp

تعديل: الرابط ده يا جماعة اتغير. كان شغال يوم 9 يونيو، والنهاردة اا يونيو لقيتهم شالوا الخبر. الظاهر اتكسفوا على دمهم، وبيلموا الفضيحة. بس برضو مش هشيل الرابط

June 10, 2007 - Posted by | فرفشة ودندشة

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: