مدونة دواير

يا بلد بتخاف من حتة موبايل


تحت عنوان: نوكيا “إن 95” ممنوع في مصر، قريت خبر غريب وفي نفس الوقت بيدل على تخلفنا. الخبر بيقول إن تليفون نوكيا “إن 95” ممنوع دخوله مصر. وإن التليفونات من النوع ده الموجودة في مصر متهربة

الخبر بيقول إن التليفون ده اتعرض على جهاز تنظيم الاتصالات من شهر ونص، والجهاز رفض استيراده. قال إيه؟ فيه تكنولوجيا عالية، وترددات ممكن تخترق أجهزة بعض الجهات السيادية، والجهاز في انتظار رأي الجهات الأمنية، علشان يشوف هيسمح بيه ولا لأ

إحنا مال أهالينا لو كنتو متخلفين ومش عارفين تستوعبوا التكنولوجيا اللي في الجهاز ده. أصلا مكنتش أعرف ولا متخيل إن الموبايلات هيا كمان بتحتاج موافقات أمنية. آه يا بلد العسكر. الموبايل ده مسكتو قبل كده واتعاملت معاه. يمكن معقد حبتين. بس في الآخر زيو زي أي موبايل. وملوش علاقة بترددات وأجهزة الجهات السيادية، اللي خايفين عليها من حتة موبايل

وبعدين يا شوية متخلفين. ألأجهزة اللي بتقولوا عليها سيادية دي، متبقاش سيادية، لو مكنتش تقدر تحمي نفسها وأجهزتها من الترددات المزعومة لموبايل زي ده. عموما يعني. الموبايل ده مالي السوق، وجاية حاجات تانية أعقد منو. على كده إن شاء الله اللي معاه موبايل “إن 97” هيتهموه بالتجسس واختراق أمن الجهات السيادية. وفي الآخر يطلع متخلف عقلي. آه يا بلد بتخاف من حتة موبايل

June 17, 2007 - Posted by | سياسة ووجع دماغ

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: