مدونة دواير

ألفين زيارة


أكتر من ألفين زيارة للمدونة من يوم ما عملتها. تحديداً 2200. إنجاز كبير، بيفكرني بأول أيام ليا، لما كنت أفرح إن فيه واحد ولا اتنين دخلوا المدونة. فرحتي دلوقتي متعادلهاش إلا فرحتي لما كتبت كلمة “مدونة دواير” في جوووجل ولقيته بيظهر مدونتي كأول موقع في النتائج. دلوقتي الحمد لله، فيه زوار يوميين بييجوا بنتظام، وعدد الزيارات بيرتفع. أنا بعتبر الرقم ده إنجاز لإني لسة لحد دلوقتي مش مشترك في أي شبكة مدونين. ومعروف إن المدونات مرتبطة ببعضها، وبالتالي معظم الزيارات بتبقى متبادلة بين أصحاب المدونات وبعضهم، أو بتبقى جاية من لينكات لمدونة في مدونات تانية. ومعروف قد إيه ده بيزود عدد الزيارات وبيعمل شهرة للمدونة. لكني مش مشترك في أي شبكة لحد دلوقتي، ورغم كده بحقق معدل حلو للزيارات. يمكن قريب أشترك مع شبكة من الشبكات دي، بس الأول أعمل لمدونتي الإسم اللي يليق بيها، وبعدين أضم نفسي للمجموعات دي. شكراً لكل اللي بيقرا الكلام ده دلوقتي. وشكراً لأصدقائي اللي وثقوا فيا وفي مدونتي، وبيدخلوا عليها. وشكراً للي معرفهمش وبييجوا يشوفوا المدونة من وقت للتاني. وأوعدكم هكون قد المسئولية ودايماً فيه جديد إن شاء الله

June 19, 2007 - Posted by | عن المدونة

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: